بقلم: د. عبد العزيز عبد اللطيف
عارف يعني إيه قلة الشغف؟
يعني يبقى قدامك طاجن جمبري بترفلاي**، وما تمدش إيدك تطفح!
عارف يعني إيه انعدام الرغبة؟
يعني يبقى قدامك طبق كوارع وصحن فته، وما تمدش إيدك تتسمم!
عارف يعني إيه فقدان الدوافع؟
يعني يبقى قدامك صينية رز معمر وفيها جوز حمام محشي، ودراعك الشمال ينمل وما تمدش إيدك!
عارف يعني إيه غياب الرؤية؟
يعني يبقى قدامك شوية فشة على كرشة على ممبار على لحمة راس، وتتعمي في نظرك، وما تمدش إيدك تتهبب!
عارف يعني إيه ضياع تحقيق الهدف؟
يعني يبقى صينية من حضرموت أو عنتر أو أبو شقرة أو بلبع، عليها مشويات من كل الجهات، ويجي لك شد عضلي، فتثبت في مكانك، وما تمدش إيدك تعلف!
عارف أهم حاجة حصلت في حياتك إيه؟
إنك معايا ع الصفحة، وبحبك، وإنك ابتسمت، وضحكت، وبصيت للسقف، ونزلت الموبايل من إيدك.. بس اوعى تشتمني!
ـــــــــــــــــــــــــــــــــــــــــــــــــــــــــــــــــــــــــــ
هامش* * بترفلاي (Butterfly) هي كلمة إنجليزية تعني حرفياً "الفراشة".
وهي في السياق تشير إلى طريقة طهي وتقطيع شهيرة جداً للمأكولات البحرية (خاصة الجمبري أو الاستاكوزا)، وتُعرف بـ:
طريقة الفراشة (Butterfly Cut): وفيها يتم شق ظهر الجمبري بالسكين طولياً دون فصل الجزأين تماماً، ثم يُفرد اللحم يميناً ويساراً ليصبح شكل الجمبرية مفروداً ومسطحاً تماماً مثل أجنحة الفراشة.
فائدتها: هذه الطريقة تجعل الجمبري يتشرب التتبيلة (الزبدة، الثوم، والليمون) بشكل رائع، وتضمن نضجه السريع والمتساوي أثناء الشوي أو القلي، فضلاً عن أن شكله في التقديم يكون فاخراً ومشهياً جداً.
تعليقات
إرسال تعليق